Главоболки за Зидан, без важни играчи против Сити! (ФОТО)
Откако со поразот од Бетис не се врати на првото место во „Ла Лига“, со нови проблеми се соочува „кралскиот“ клуб пред новиот европски предизвик.
Голманот Тибо Куртоа и левиот бек Марсело се повредени и многу веројатно ќе го пропуштат првенствениот меч против Еибар.
Но, што е уште поважно за Зинедин Зидан, Куртоа и Марсело нема да настатап ниту на реваншот од осминафиналето во Лигата на шампионите против Манчестер сити на „Етихад“ на 17. март.
Real Madrid ahead Champions League game against Manchester City:⠀
⠀
■ Eden Hazard Injured⠀
■ Marcelo Injured⠀
■ Courtois Injured⠀
■ Sergio Ramos Suspended pic.twitter.com/NEvaFtcwHy— Football Factly (@FootballFactly) March 10, 2020
Тоа ќе биде хендикеп за Реал Мадрид во пресрет на клучниот натпревар во ЛШ за седум дена. Првиот дуел мадридскиот гигант пред своите навивачи загуби со 1:2 од „граѓаните“ и се многу поблиску до елиминација.
Од претходно повреден е и Еден Азар, односно за него сезоната е завршена, додека на Реал на „Етихад“ нема да може да смета ниту на капитенот Серхио Рамос поради црвениот картон на првиот дуел на „Сантјаго Бернабеу“.
Воедно тимот на Зидан се наоѓа во мала криза, триумфираше на само една од последните пет средби и тоа против Барселона на „Ел Класико“ (2:0), доживеа три порази од Леванте (0:1), Манчестер сити (1:2) и Бетис (1:2), а ремизираше со Селта Виго (2:2).