Главоболки за првиот човек на ПСЖ, на есен оди на суд, а играчите одбиваат намалување на платите

EPA-EFE/ETIENNE LAURENT

Судењето на претседателот на ПСЖ и шеф на телевизијата БеИН, Насер Ан-Келаифи, поради корупција при доделувањето на телевизиските права, е закажано за септември.

Судењето на претседателот на ПСЖ, поранешниот генерален секретар на ФИФА, Жером Валке и уште едно лице, ќе започне на 14. септември, објави швајцарското обвинителство.

Швајцарското федерално обвинителство во февруари годинава го обвини Ал-Келаифи во врска со истрагата за мито поврзано со продажбата на ТВ правата за натпреварите од Светското првенство.

Обвинението го терети Ал-Келаифи за поттикнување на поранешниот генерален секретар на ФИФА, Жером Валке да „направи кривична злоупотреба“.

Ал-Келаифи е обвинет дека на Валке кој од ФИФА е избркан во 2015 година, му обезбедил престој во луксузна вила на Сардинија без да плаќа кирија во висина од 1.8 милиони евра.

Неговите адвокати наведоа дека обвинението е без основ и „вештачко“. Тие исто така изјавија дека не се сигурни како ќе тече судскиот процес бидејќи бараат изземање на неколку обвинители поради протекување на информации цо јавноста и веќе поднесоа тужби против тие обвинители.

Ова не е единствена главоболка на Ал-Келаифи бидејќи фудбалерите на ПСЖ го навлекоа бесот на јавноста со одлуката да не прифатат намалување на платите иако француската Лига 1 од вчера и официјално е прекината и нема да се доигра откако Владата донесе одлука да нема спорт до септември

Видео на денот