Главниот обвинител на Хаити бара за убиството на претседателот да биде осуден премиерот
Главниот обвинител на Хаити побара од истражниот судија да го обвини премиерот Ариел Хенри за убиството на претседателот Жовенел Моиз и побара забрана за негово напуштање на земјата, пренесува Си-Ен-Ен.
Оваа наредба беше издадена истиот ден кога го повика премиерот Хенри да се сретне со него и да му објасни зошто клучниот осомничен за атентатот на претседателот Моиз му се јавил двапати само неколку часа по атентатот.
„Има доволно компромитирачки елементи за да му се суди на Хенри и да се побара обвинение“, рече обвинителот Бед-Форд Клод.
Тој додаде дека повиците биле упатени на 7-ми јули во 4:03 часот и 4:20 часот наутро и додаде дека доказите покажуваат дека осомничениот Џозеф Феликс Бадио во тоа време бил во близина на неговиот дом.
Бадио некогаш работел во владината единица за борба против корупцијата, се додека не бил отпуштен под обвинение за кршење на етичките прописи. Во документот се наведува дека повиците траеле вкупно седум минути и дека премиерот Хенри во тоа време бил во хотелот Монтана во главниот град на Хаити.
Да потсетиме, претседателот на Хаити беше убиен на 7 јуни во вооружен напад.
Убиен претседателот на Хаити: Командоси ноќе му упаднале дома