Гласањето тече без проблеми, со мали прекини поради фингерпринтите
До овој момет гласањето тече без проблеми, но со прекини поради лошо ракување со уредите и лош квалитет со базата со податоци. Избирачките одбори ги надминуваат овие проблеми, а најчест проблем е непрепознавање на отпечатоците на гласачите во самиот уред. Во таков случај постапката продолжува со скенирање на личната карта на гласачот.
Инструкција од ДИК е редовно да се чисти скенерот, а гласачите да притиснат повеќе. Гласачите имаат право да се обидат два пати да гласаат со отпечаток од прст, потоа следува можност да се гласа со скенирање на лична карта. Во одредени избирачки места имаше проблем со самиот уред, таму беа заменети уредите. Во некои места каде не беше можно да се замени уредот, продолжено е гласањето со стариот начин на гласање.
Најголема излезност до 11 часот има во Новаци, а најмала во Врапчиште со 4, 92 проценти.
Во однос на прекините на гласањето, доколку прекинот е пократко од еден час, гласањето ќе заврши во 19 часот, ако прекинот е подолг од еден час, гласањето ќе продолжи и по 19 часот.
Досега гласале 65 085 граѓани, соопшти ДИК.