Гласањето и изборниот молк завршуваат во 19:30 часот
Со затекнатите гласачи на избирачките места, гласањето завршува во 19.30, кога и завршува изборниот молк за партиите и медиумите, објави претседателот на ДИК, Александар Даштевски.
Излезноста на изборите до пред 19 часот е 49,29 отсто, односно гласале 697.637 граѓани посочи тој. Вевчанци “водат” со 73,24% излезност.
Поради прекини на гласањето подолги од еден час, на некои избирачки места е продолжено гласањето. Поради тоа се продолжува и изборниот молк.
Државната изборна комисија повика на воздржаност од политички активности до 19:30 часот, со цел затекнатите граѓани на избирачките места да можат да го остварат своето право на глас.
– Во согласност со Изборнот законик гласањето завршува во 19 часот. Во врска со гласањето каде се затекнати гласачи пред објектот ДИК смета дека е добро да се излезе во пресрет на гласачите и затоа повикуваме до 19.30 часот да се воздржат од активности партиите, медиумите и сите други. ДИК смета дека ова е најдобро решение, информираше Даштевски на вечерашната прес-конференција.
