Центарот на Денвер нагетс, Никола Јокиќ е избран за најкорисен играч во НБА лигата за сезоната 2020/21 во интерна анкета меѓу новинарите на „ЕСПН“. Во овој угледен медиум сакаа изборот да биде што е можно поверодостоен, а во анкетата учествуваа најмалку по двајца новинари од 28-те градови од каде доаѓаат НБА-клубовите.

Како резултат на гласањето, најдобриот кошаркар на Денвер, Никола Јокиќ, го освои убедливото прво место. Српскиот репрезентативец освои 90 од вкупно 101 прво место.

Кошаркарот за екипата од Колорадо оваа сезона има просек од 26 поени, 10,9 скока и 8,8 асистенции. Нагетси моментно се четвртопласирани на Западот со учинок од 35-20.

На второто место е центарот на Филаделфија, Џоел Ембид, кој доби први места. Зад Јокиќ и Ембид е двократниот последователен МВП, крилото на Милвоки, Јанис Адетокумбо.

На четвртото и петтото место се Демиен Лилард од Портланд и плејмејкерот од Бруклин, Џејмс Харден. Најдобриот играч на Лос Анџелес Лејкерс, Леброн Џејмс го освои шестото место во анкетата.

Nikola Jokic received 90 of 101 first-place votes in ESPN's latest MVP straw poll ?

(Via @TimBontemps ) pic.twitter.com/Pf51ggk9tw

— NBA Central (@TheNBACentral) April 15, 2021

Поради проблеми со срцето, Олдриџ ја заврши НБА кариерата