Глас на Америка: ОН се загрижени поради инцидентите со величање воени злосторства во Србија и БиХ

Србија српско знаме
Фото: EPA/KOCA SULEJMANOVIC

Високиот комесаријат за човекови права при ОН изрази длабока загриженост поради неодамнешните инциденти во Босна и Херцеговина и Србија, каде што се видени поединци како величаат „злосторства и осудени воени злосторници, напаѓаат одредени заедници со говор на омраза, а во некои случаи директно поттикнуваат насилство“, пренесе синоќа Гласот на Америка (ВоА).

Изјавата се однесува на инциденти што се случиле на повеќе локации во Република Српска, меѓу кои Бјелина, Приједор, Фоча, Гацко, Вишеград и Брчко, како и во Прибој и Нови Пазар во Србија.

ОН предупредуваат дека постои страв и ризик ваквите дејствија да продолжат да се случуваат и да се интензивираат во текот на 2022 година, кога ќе се одржуваат избори и во Србија и во БиХ.

Алис Ваириму Ндериту, специјална советничка за спречување на геноцид, изрази слична загриженост и вознемиреност поради тоа што инцидентите биле насочени кон одделни заедници врз основа на етнички или верски идентитет.

Ваириму Ндериту го повтори својот апел до сите на одговорни позиции да работат на градење доверба и иднина во која нема да има простор за негирање на геноцидот, војната и злосторствата против човештвото.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот