Министерот за надворешни работи на Србија Марко Ѓуриќ денеска на маргините на министерскиот состанок на Берлинскиот процес се сретна со министерката за надворешни работи на Германија Бербок со која меѓу другото разговараше и за дијалогот меѓу Белград и Приштина, објавија косовските медиуми.

Според соопштението на МНР, Ѓуриќ посочил дека Белград е посветен на дијалогот, но дека Приштина од самиот почеток покажала крајна неконструктивност и неподготвеност да ги спроведе договорите, особено оние поврзани со формирањето на Сојузот на српски општини

Наместо тоа, како што предупреди Ѓуриќ, Приштина посегнува по еднострани мерки со цел суштински да ја промени ситуацијата на терен и со кршење на човековите, политичките и економските права на Србите да ја поттикне нивната масовна емиграција од Косово.