Ѓукановиќ не попушта за мандатот – вели дека е време за нови избори, за неговата партија да се врати на власт

Фото: EPA-EFE/BORIS PEJOVIC

Претседателот на Црна Гора и лидер на Демократската партија на социјалистите (ДПС) Мило Ѓукановиќ смета дека е време за нови избори за Црна Гора „да добие политички одговорна, компетентна влада“.

Ѓукановиќ во Плевља, говорејќи на церемонијата на Младинскиот совет на ДПС во тој град, рече дека оваа влада, која повторно ќе ја состава неговата партија, „ќе продолжи да ја води Црна Гора преку градење граѓанска држава, подобрување на меѓуетничките и меѓуверските односи и достигнувајќи ги европските вредносни системи“.

„Од избори бегаат само оние кои се убедени дека ќе загубат“, рече Ѓукановиќ.

Долговечниот црногорски политичар деновиве предизвика нова политичка криза во земјата, одбивајќи го предлогот на парламентарното мнозинство за нов премиер да биде избран поранешниот дипломат Миодраг Лекиќ.

Тесното мнозинство достави до претседателката на Парламентот Данијела Ѓуровиќ 41 потпис за поддршка за предлогот пред Собранието да се покрене постапка за утврдување дали претседателот на Црна Гора го прекршил Уставот, односно постапка за отповикување на Ѓукановиќ, поради неговото одбивање на предлогот да му го врачи мандатот на Лекиќ.

Одбивајќи го предлогот Лекиќ да биде мандатар, Ѓукановиќ ѝ испратил на претседателката на Собранието и предлог за скратување на мандатот на 27-от состав на Парламентот, што би водело кон нови избори.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот