Ѓорческа со титулата на турнирот во Белгија
Денеска во двојки во финалето на женскиот турнир во Коксијде (Белгија) македонската тенисерка Лина Ѓорческа заедно со Валерија Страхова од Украина стигнаа до трофејот.
Во финалето вторите носителки Ѓорческа и Страхова со резултат 2:0 во сетови 6:4 и 6:4 славеа против првите носителки Валентини Граматикопулу од Грција и Валентина Ивахненко.
На патот до финалето Ѓорческа и Страхова беа слободни во осминафиналето, во четвртфиналето триумфираа над Ванхуте од Белгија и Хоед од Холандија (3:6, 6:2, 10:2).
Во полуфиналната борба беа совладани Парто од Франција и Босио од Аргентина со 6:2 и 6:0.
Нашата натпреварувачка во Коксијде настапи и во сингл конкуренција, стартуваше со триумф над Швајцарката Суњо во 1/16 финалето двапати со 6:1, а во осминафиналето загуби од Фита Болуда (Шпанија) со 0:6 и 2:6.