Најдобриот тенисер на светот Новак Ѓоковиќ денеска ја започна 358 недела на првото место на АТП листата, и така се приближи до рекордот на Штефи Граф, до кој го делат уште 19 недели.

Како што е веќе познато, српскиот ас не настапува на „Австралија опен“, откако тамошната Влада одлучи да го депортира, и нема да биде во можност да ги брани поените од минатогодишниот прв Грен слем.

АТП листата не излегува меѓу двете недели на „Австралија опен“, па ситуацијата на листата е непроменета во однос на минатата недела, но скорот на Ѓоковиќ е подобрен и тој сега е на број 358 недели поминати на светскиот трон.

Ноле ќе остане прв и по завршувањето на турнирот во Мелбурн, бидејќи бодовите од последното издание ќе бидат избришани дури на 21 февруари, а од тронот може да биде симнат само од Данил Медведев доколку го освои трофејот на АО.

Дури и да се случи тоа, Ѓоковиќ ќе ја достигне бројката од 360 недели, вкупно 50 повеќе од Рожер Федерер, но и 17 помалку од славната Штефи Граф. Потсетуваме дека постои опција Србинот да игра на АТП турнирот во Ротердам кој носи 500 бода.

ВИДЕО|Поддршка за Ѓоковиќ од легендарна тенисерка: Ова е другата страна која мора да ја видите