Ѓоковиќ за разлика од Надал и Федерер им помага на тенисерите кои помалку заработуваат
Аргентинскиот тенисер Франсиско Серундоло смета дека Новак Ѓоковиќ кариерата ќе ја заврши со највеќе освоени гренд слем турнири како и дека фановите во него гледаат криминалец бидејќи се заљубени во Рожер Федерер и Рафаел Надал.
Ѓоковиќ на почетокот од годината беше протеран од Австралија и не доби можност да ја брани титулата во Мелбурн на првиот гренд слем турнир во годината. Поради неговиот став да не се вакцинира, Ѓоковиќ загуби дел од спонзорите, а најверојатно нема да настапи ниту на УС Опен.
– Новак Ѓоковиќ не е криминалец, напротив. Тоа што се случува сега е навивачите да се заљубени во Федерер и Надал, додека Новак го зборува тоа што навистина го мисли и поради тоа е автентичен. Сигурен сум дека Новак Ѓоковиќ ќе ги престигне Надал и Федерер по бројот на освоени гренд слем титули – вели Серундоло за аргентинските медиуми.
Серундоло на медиумите им откри дека само Ѓоковиќ од големата тројка (Ѓоковиќ, Надал, Федерер) им помага на понискорангираните тенисери кои помалку заработуваат од наградите на турнирите.
– Новак е тенисер кој највеќе им помага на тенисерите што помалку заработуваат. Мислам на оние тенисери кои играат на фјучерсите и на челинџерите – додава Серундоло.