Новак Ѓоковиќ минатата недела собори три големи рекорди – стана тенисер со најмногу мастерс титули (37), го подобри личниот рекорд по титули на Мастерс турнирот во Париз (шест), а стана и рекордер на турнирот во „градот на светлината” по бројот на победи како прв светски рекет и така го надмина Рожер Федерер.

Ѓоковиќ неколку пати најави дека еден од неговите најголеми мотиви е да продолжи да игра бидејќи може да руши рекорди и да го запише своето име во историјата на тенисот.

Србинот до крајот на годината ќе игра на завршниот Мастерс во Торино каде може да собори уште два големи рекорди. И двајцата во моментов се во сопственост на Швајцарецот Федерер. Тоа е рекорд по бројот на титули на завршниот Мастерс. Федерер има шест, една повеќе од Ѓоковиќ, кој го дели второто место со Иван Лендл и Пит Сампрас.

Исто така, доколку триумфира во Торино, Ноле би бил најстариот тенисер во историјата кој ја освоил титулата на завршниот Мастерс. Во моментов тука е и рекордерот Федерер, кој титулата ја освои во 2011 година со 30 години и три месеци. Ѓоковиќ сега има 34 години и пет месеци.

Мастерсот во Торино е на програмата од недела на 14 ноември, а покрај Ѓоковиќ, учесници ќе бидат уште Данил Медведев, Александар Зверев, Стефанос Циципас, Андреј Рубљов, Матео Беретини, Каспер Руд и Хуберт Хуркач.

Повторувајте по мене: Новак Ѓоковиќ е најдобриот тенисер во историјата

Ѓоковиќ во иднина се гледа како тренер: Немам намера знаењето да го однесам во гроб