Ѓоковиќ во група со Циципас на завршниот Мастерс во Торино
На завршниот турнир во Торино кој ќе се одржи во периодот (14-21 ноември 2021 година) ќе се соберат најдобрите осум тенисери во светот.
Денеска со жрепка се дознаа двете групи, а првиот светски рекет Новак Ѓоковиќ е во „зелената“ група со Стефанос Циципас, Андреј Рубљов и Каспер Руд. Во „црвената“ група е вториот светски рекет Данил Медведев, потоа Александар Зверев, Матео Беретини и Хуберт Хуркач.
Ѓоковиќ кој со трофејот во Париз го обезбеди првото место на АТП годинава, ќе се обиде по шести пат да триумфира на завршниот турнир и така се израмни со рекордот на Рожер Федерер.
Во понеделник српскиот ас ќе го игра првиот меч на Завршниот мастерс во Торино, ривал ќе му биде Норвежанецот Руд со почеток од 14.00 часот, а од 21.00 часот Гркот Циципас ќе ги одмери силите со Русинот Рубљов.
Завршниот Мастерс ќе го отворат Русинот Медведев и Полјакот Хуркач в недела од 14.00 часот, додека од 21.00 часот Зверев од Германија ќе се соочи со Беретини од Италија.