Српската тениска репрезентација е на чекор до останување во Светската група на Дејвис купот. Новак Ѓоковиќ го донесе вториот поен со една од најубедливите победи во кариерата против Јоанис Ксилас од Грција, на кого му препушти само еден гем – 6:0, 6:1.

Ксилас влезе во овој меч како 770-ти на листата и како некој кој главно се натпреварува во челенџери и фјучерси, па ова беше јасна можност да се покаже пред светската јавност.

И тоа го направи колку што можеше, пружи веројатно најголем можен отпор и ги доби аплаузите од публиката во салата „Александар Николиќ“ во Белград.

Србија сега има предност од 2:0 по победата на Миомир Кецмановиќ во првиот меч и в недела ќе игра за опстанок во Светската група, и за тоа ќе биде потребна само една победа.

Ѓоковиќ ќе игра и во двојки заедно со Хамад Меѓедовиќ против грчкото дуо Петрос Циципас и Деметрис Азоидес. Потсетување дека грчката репрезентација дојде ослабена за овој меч против Србија без својот најдобар играч, Стефанос Циципас.