Финалето на машкиот тениски турнир на Олимписките игри во Париз меѓу Новак Ѓоковиќ (Србија) и Карлос Алкараз (Шпанија) ќе се игра в недела од 14.00 часот.

Вториот тенисер во светот Ѓоковиќ ја коментираше победата во полуфиналето на Олимписките игри против Лоренцо Музети 6:4, 6:2.

– Тешко е да се соберат сите емоции. Првпат поминав полуфинале на Олимписки игри. Нема да застанам тука, одам по златото, не сум задоволен со ова секако. Морам да славам, освоив медал. Јас секогаш си вршев најголем притисок врз себе, без разлика на сè што освоив, секогаш останува тоа дека не си донел злато на Србија. Се надевам дека ги израдував навивачите. Се надевам дека добро ќе поминам во финалето – рече Ѓоковиќ.

Негов противник за златото ќе биде Алкараз од кој загуби годинава на „Вимблдон“.

– Се надевам на моето најдобро издание. Ниту еден од нас не изгуби сет. Знам кој е тој предизвик, најтешкиот меч до сега – се зборивите на српскиот тенисер.