Тениската репрезентација на Србија во Дејвис купот во сабота и недела во салата „Александар Николиќ“ во Белград ќе игра мечеви против Грција, а во составот на Србија ќе биде и Новак Ѓоковиќ.

Ѓоковиќ, како и другите српски тенисери, тренира секој ден во Пионир и со нетрпение ги очекува претстојните дуели против Грците.

Воедно, Ѓоковиќ најави можност за крај на кариерата во Дејвис купот, велејќи дека ова може да биде последна шанса за навивачите да го видат како игра во Белград.

Оваа изјава дополнително го зголемува значењето на претстојните мечеви и го привлекува посебното внимание на тениската јавност.

– Сè оди одлично. Неколку пати кажав дека најголема мотивација ми се Грен слем и Дејвис купот. Кај сите други имам помала мотивација и служат како подготовка за тие турнири. Мило ми е што сум на располагање на Србија. Тука е Троицки, со кого го освоив Дејвис купот, што е мојот најголем успех покрај златото на Олимпијадата и мојот прв Вимблдон. Тоа се моите три најголеми успеси. Ги имате членовите на тимот, тренерот зад вас, поддршката од публиката кога сте дома. Дава поттик и ветер одзади. Форматот е променет, последен пат играв за Србија во Пионир пред седум години. Не знам дали некогаш повторно ќе играм Дејвис куп и затоа ги поканувам луѓето да ме гледаат можеби за последен пат – изјави Ѓоковиќ за РТС.