Ѓоковиќ останува без првото место поради одлуката на АТП
АТП одлучи да го казни „Вимблдон“, а сето тоа ќе влијае на најдобриот тенисер на светот, Новак Ѓоковиќ.
Имено, на третиот Грен слем во сезоната нема да има бодови, но тенисерите ќе ги загубат бодовите освоени минатата година, пишува познатиот тениски новинар Бен Ротенберг.
Тоа значи дека српскиот ас ќе остане без 2.000 поени. Второпласираниот Данил Медведев и третопласираниот Александар Зверев поради послаб пласман губат 180 бода, бидејќи испаднаа во четвртото коло.
Доколку оваа одлука остане на сила, Ѓоковиќ нема да биде прв во светот по Вимблдон, ќе ја заземе третата позиција.
АТП листата ќе изгледа вака:
1. Данил Медведев 7,800 поени
2. Александар Зверев 6,895
3. Новак Ѓоковиќ 6,660
4. Стефанос Циципас 5,965
5. Рафаел Надал 5,525
Речиси е невозможно српскиот ас да освои 1.200 и да се израмни со рускиот играч. Пред Вимблдон, единствените два турнири од серијата 500 се турнирите во Квинс и Хале. Тешко дека Ноле ќе учествува на некој од нив, но и во било која друга категорија 250.
Here, from Quentin, what the current ATP rankings look like with 2021 Wimbledon points removed:https://t.co/KQZFxjVdNr
— Ben Rothenberg (@BenRothenberg) May 20, 2022