Ѓоковиќ не прекршил ниедно правило: Според ИТФ, „политичките изјави не се забранети“
Светската тениска федерација (ИТФ) денеска реагираше по повод натписот „Косово е срцето на Србија! Стоп за насилството“ што Новак Ѓоковиќ го напиша пред камера во понеделникот по победата во првото коло на „Ролан Гарос“.
ИТФ посочи дека нема одредба со која се забрануваат играчите да даваат политички изјави.
Во текот на вчерашниот ден Олимпискиот комитет на Косово побара да се казни Ѓоковиќ бидејќи го користи спортот за испраќање политичка порака.
– Правилата за играчите на грен слем настаните се одредени со правилата на тие турнири што ги применуваат организаторите и регулаторните органи. Нема одредба што забранува политички изјави – се вели во изјавата на портпаролот на ИТФ за „АФП“.
Во понеделник, на 29 мај, по победата по првиот меч на „Ролан Гарос“, Ѓоковиќ пред камерата напиша „Косово е срцето на Србија“, во време на зголемени тензии на северот на Косово.
ИТФ соопшти дека го добила писмото од Олимпискиот комитет на Косово и дека е проследено до надлежните органи во организацијата на Грен слем, но дека нема одредба со која се забрануваат политички изјави.