Од претходно е познато дека најдобриот српски тенисер Новак Ѓоковиќ нема да игра годинава во кинеските Шангај и Пекинг.

Првиот светски рекет ќе паузира до крајот на октомври, а според најавите до крајот на годината ќе игра уште на три турнири.

Прв е турнирот во Париз од серијата 1000 (ќе се игра од 30 октомври до 5 ноември), каде брани финале од минатата година. После тоа, следува завршниот Мастерс во Торино, кој лани го освои Србинот, а овој турнир ќе се игра од 12 до 19 ноември.

Последен предизвик за Ноле во 2023 година би требало да биде финалниот турнир во Дејвис купот со репрезентацијата на Србија.

Ова натпреварување ќе се организира од 21 до 26 ноември во Малага, а српските тенисери во четвртфиналето ќе играат против Велика Британија.

Во досегашниот дел од сезоната Ѓоковиќ освои пет титули, три грен слема на „Австралија опен“, „Ролан Гарос“ и „УС Опен“. А исто така беше и најдобар во Аделаида и Синсинати.

Се шири измама со името и ликот на Ѓоковиќ, предупреди адвокатот на српскиот тенисер

Надал: Ѓоковиќ е најдобриот во историјата и тука нема што да се разговара