Ѓоковиќ ја започна 359 недела на врвот на АТП листата
Најдобриот тенисер на светот Новак Ѓоковиќ ја започна денеска 359 недела на врвот на АТП ранг листата.
Српскиот ас моментно има 10,875 бодови, зад него следуваат Русинот Данил Медведев (9,635) и Германецот Александер Зверев (7,865).
Стефанос Циципас од Грција се наоѓа на четвртата позиција (7,145), а Шпанецот Рафаел Надал, освојувачот на „Австралија опен“ е на петтото место со 6,875 бодови.
Во Топ 10 се наоѓаат уште Матео Беретини (Италија), Андреј Рубљов (Русија), Каспер Руд (Норвешка), Феликс Оже-Алијасим (Канада) и Јаник Синер (Италија).
Кај жените на ВТА листата води Австралијката Ешли Барти, која исто така минатиот месец го освои Мелбурн, се наоѓа на врвот со 8,330 бодови, пред Белорусинката Арина Сабаленка (5,698) и Барбора Крејчикова од Чешка (5,533).