Ѓоковиќ ја започна 349 недела на првото место на АТП листата
Српскиот ас на новиот ранкинг моментно има 11,540 бодови, односно 2,900 повеќе од второпласираниот Данил Медведев од Русија.
Новак Ѓоковиќ продолжува да доминира во светот на тенисот, денеска ја започна својата 349 недела на врвот на АТП ранг листата.
Ноле по седми пат ќе ја заврши годината како најдобар тенисер во светот, а прв на АТП листата сигурно ќе биде до крајот на јануари 2022 година, што значи дека ќе помине уште минимум 357 недели на врвот.
Штефи Граф го држи апсолутниот рекорд во машка и женска конкуренција со 377 недели на врвот на листата, а Новак би можел да го достигне и тој рекорд на 19 јуни 2022 година, доколку не го испушти првото место.
На третото место и натаму е Германецот Александар Зверев, четврти играч во светот е Гркот Стефанос Циципас, петти Русинот Андреј Рубљов, а најдобрите „десетка“ ја комплетираат Рафаел Надал, Матео Беретини, Каспер Руд, Хуберт Хуркач и Јаник Синер.
Во 2021 година веќе нема турнири, а најдобрите тенисери во светот во овој период се борат за трофејот во Дејвис купот со своите репрезентации.
Најдобропласиран македонски тенисер е Горазд Србљак на 958 место со 14 поени, а во женска конкуренција Лина Ѓорческа е на 271 позиција со 254 поени.