Новак Ѓоковиќ е во Монте Карло каде на земјена подлога ги започна последните подготовки за сезоната, а таму кога се разбуди го дочека веста дека повторно е најдобриот тенисер на светот.

За тоа овојпат не може да се заблагодари себеси и резултатите на теренот, бидејќи нема право да се натпреварува на Мастерсот во Индијан Велс и Мајами, туку на Јаник Синер од Италија.

Синер го совлада Карлос Алкараз од Шпанија во полуфиналето на Мастерсот во Мајами со 6:7(4), 6:4, 6:2 и така за првпат во кариерата славеше против актуелниот шампион на турнирот во Флорида на бетон.

Ова беше прв меч во кој Алкараз испушти сет од почетокот на турнирот во Индијан Велс, а за негова несреќа веднаш испушти два. Овие двајца тенисери беа доминантни до полуфиналето, па Синер на своите ривали им дозволи 23 гема, а Алкараз 22.

Со овој пораз Алкараз загуби 640 поени на АТП листата, па од понеделник и официјално ќе биде зад Ѓоковиќ со 6,780 поени, додека Србинот ќе остане на 7,160.

Шпанскиот тенисер не успеа да влезе во редовите на великаните, само седум играчи во истата година ги освоија Индијан Велс и Мајами, а тоа најмногу од сите го направи Ѓоковиќ – вкупно четири пати, трипати по ред.

Jannik Sinner won the point of the year—and then won one of the matches of the year. 👏

In the latest installment of their electric rivalry, the 21-year-old Italian defeats 19-year-old Carlos Alcaraz, 6-7 (4), 6-4, 6-2.

👉 Novak Djokovic will return to ATP No. 1 on Monday.

— TENNIS (@Tennis) April 1, 2023