Ѓоковиќ е на чекор да направи нешто лудо
Американскиот тенисер Френсис Тиафо вели дека Новак Ѓоковиќ е комплетен тенисер, а највеќе се истакнува со менталната сила.
– Тој човек е посебен. Може да игра на сите подлоги, многу добро се движи, а и сервисот го подобри. Ментално е најсилен тенисер на светот, тоа е едноставно. Не мора да значи дека има најдобар бекенд, форхенд или некој друг удар, но нема конкуренција во поглед на ментална сила – вели Тиафо.
Американецот кој се наоѓа на 53. место на АТП ранг листата, годинава одигра еден меч против Ѓоковиќ, на Австралија Опен кога успеа да му одзеде еден сет на српскиот тенисер.
– Доколку противникот го крене нивото на игра, истото ќе го стори и Новак, навистина ве тера да ја заработите победата. Оди на некое ниво кое другите тенисерите не можат да го достигнат. Секогаш има одговор и сега се наоѓа на чекор на направи нешто лудо – вели Тиафо.
Новак Ѓоковиќ ќе се обиде на стане првиот тенисер по Род Лејвер кој успеал да победи на сите четири грен слем турнири во една година. Ѓоковиќ годинава победи на Австралија Опен, Ролан Гарос и Вимблдон, а на 30 август стартува последниот годинешен грен слем турнир, УС Опен.