Ѓоковиќ е изолиран во соба на аеродромот во Мелбурн и никој не може да дојде до него
Новак Ѓоковиќ по неколкучасовното испитување е сместен во соба на аеродромот во Мелбурн и никој не може да дојде до него. Пред собата се наоѓаат двајца полицајци кој не дозволуваат никој да влезе без дозвола од власите на сојузната држава Викторија.
– Кај него никој не може да влезе. Пред неговата соба има двајца полицајци – изјави таткото на Новак, Срѓан Ѓоковиќ за Б92.
Ѓоковиќ е задржан на аеродромот во Мелбурн бидејќи член на неговиот тим направил грешка при пополнувањето на барањето за австралиска виза. Првиот тенисер на АТП ранг-листата се обидел да влезе во Австралија со виза која не дозволува медицинско изземање поради невакцинирање.
Царината побара поддршка од владата на сојузната држава Викторија да го олесни влезот на Ѓоковиќ во Австралија, бидејќи федералната влада се договори со тениската федерација која пак е одговорна за доаѓањето на Новак во Мелбурн.