Гиевски: По Рената Дескоска, сите министри се оглушуваат на барањата на наставниците

Денеска истекува последниот рок даден на Министерството за образование и наука за усогласување на минималната плата со пресметката за плата согласно колективните договори во секторот образование.

– 15 март беше определен за почеток на штрајк на наставниците од страна на најбројниот репрезентативен синдикат во секторот образоввание и истиот беше предложен како краен рок за усогласување на минималната плата со пресметката за плата согласно колективните договори во секторот образование. Денеска сме 15 март, тој процес не започна и ние како втор најголем независен синдикат во секторот образование, одлучивме во сабота да организираме масовен протест и да го искажеме незадоволството поради недостоинственото вреднување на трудот на просветните работници како и одбегнувањето за пресметката на плата која што следи во колективните договори. Станува збор за проблем кој се одолговлекува десет години, законот за минимална плата не се почитува во секторот образование, односно има преформулација која се нарекува најниска плата која е пониска од законски минималната. Најниската плата во образованието според степеност на сложеност изнесува 10.000 денари во нето износ, тоа се множи со коефициент 2,5 и работниците во секторот образование добиваат под просечна  плата од 24.800 денари што е длабоко под републичкиот просек, рече денеска во Утрински брифинг Томислав Гиевски од Независниот синдикат.

Тој вели дека коректен однос со Министерството за образование и наука Синдикатот имал во времето на министерката Рената Десковска, но со нејзината промена останатите министри останале глуви на нивните барања.

– Доколку продолжи недостатокот на социјален дијалог ќе се искористи и правото на штрајк. Со СОНК немаме никаква комуникација бидејќи нив не им се допаѓа што постои независното синдикално делување. Но, ако СОНК покрене штрајк ние безрезервно  ќе се приклучиме бидејќи станува збор и за нашите права, вели Гиевски.

Протестот ќе започне во сабота во 10. 30 часот пред хотел ВИП и ќе се движиме пред Влада.

– За воља на вистината кај голем дел од наставниците постои страв и непознавање на синдикалното делување, ние ќе се обидеме преку активности да ги охрабриме и да ги запознаеме со тоа што е синдикат, вели Гиевски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот