Претседателот на Русија, Владимир Путин, свечено ја отвори првата линија на надземното метро во Москва, додека градоначалникот традиционално му ја поклони картичката „Тројка“, за патување со московскиот јавен превоз, пренесе српски „Курир“.

Путин се качи во возот „Иволга“ на станицата „Белоруска“ и се возеше до станицата „Фили“, што го направи еден од првите патници на оваа новоотворена маршута.

Во друштво на претседателот беа и гувернерот на Московската облас Андреј Ворoбјов, шефот на Руските железници Олег Белозеров, портпаролот на рускиот претседател Дмитриј Песков и други официјални лица.

Путин истакна дека ваквите проекти овозможуваат да се решат проблемите со сообраќајот во Москва.

Според информациите, први со работа ќе бидат пуштени две линии, што претставува околу 132 километри пруга, со 66 станици, а на 27 од нив ќе може пратниците да се префрлаат во метро.

Новите возови „Иволга“, кои се произведени во Русија, можат да пренесуваат до две илјади луѓе.