Ги нападнале додека ја гледале Црвена Звезда, повредено и дете!
Информациите велат инцидентот се случил во средата навечер, додека Црвена Звезда играше плејоф за Лигата на шампионите во Берн (Швајцарија) против Јанг Бојс, 15 маскирани лица влегле во кафулето „Бафет Петко“ во споменатата општина и ги нападнале гостите, воглавно Срби, кои го гледале натпреварот.
Сведоци велат дека меѓу гостите имало жени и деца кои се префрлени во Општата и ветеранска болница „Хрватски понос“ во Книн. Еден од напаѓачите дури имал и мачета.
Како што соопштува портпаролот за полицијата во Шибеник-Книн, Марица Косор, инцидентот се случил во 22.30 часот, а пет лица се здобиле со полесни повреди, вклучувајќи го сопственикот на кафулето.
Неофицијално сопственикот бил погоден со шише во главата, а неговата сопруга има посекотина на ногата. Меѓу хоспитализираните лица се наоѓа и 9-годишно дете. Полицијата интензивно трага по напаѓачите, а информациите велат дека не се од подрачјето на Книн и околината.
Иако сеуште не е потврдено дали настаните се поврзани, и во Џеврске (Хрватска) се случил инцидент. Неколку лица во еден локално кафуле ги провоцирале гостите кои го гледале натпреварот. Воглавно имало провокации на национална основа, коментираше сопственикот на кафулето за „Ферал Њуз“. Немало посериозен инцидент, но полицијата и таму започнала истрага.
СВЕДОШТВО НА ТАТКОТО: Го пуштив да го гледа натпреварот, дојде целиот крвав, расплакан!