ГФК Тиквеш не сака да го игра баражот со Воска Спорт во Скопје
Денеска со жрепка се дознаа бараж двојките за опстанок/влез во Првата македонска лига следната натпреварувачка сезона.
Потоа, беше променето местото на одигрување на натпреварот Воска Спорт и Тиквеш, односно одлучено е да играат на Националната арена „Тодор Проески“ во Скопје.
На ваквата одлука реагираа од ГФК Тиквеш кои не прифаќаат да го играат баражот во главниот град:
– Градскиот фудбалски клуб Тиквеш 1930 АД денес официјално беше присутен со два претставника во Фудбалската федерација на Македонија каде што беше одредена ждрепката за одигрување на Бараж натпреварот за ПМФЛ. На истиот тој состанок беше официјално одлучено за местото на одигрување на натпреварот во Прилеп. Но, по неколку часови по необјасниви причини дојде до промена на местото на одигрување на натпреварот.
НИЕ КАКО КЛУБ НЕ ПРИФАЌАМЕ ПРОМЕНА НА МЕСТОТО ЗА ОДИГРУВАЊЕ НА ОВОЈ НАТПРЕВАР БИДЕЈЌИ ОФИЦИЈАЛНО НА ДЕНЕШНИОТ СОСТАНОК ПОМЕЃУ ДВЕТЕ ЕКИПИ БЕШЕ ОДЛУЧЕНО НАТПРЕВАРОТ ДА СЕ ОДИГРА ВО ПРИЛЕП – стои во реакцијата на ГФК Тиквеш 1930 АД Кавадарци.
По завршување на официјалниот состанок во просториите на ФФМ помеѓу двете екипи е пратен допис до МВР односно до двете екипи за одигрување на натпреварот во Прилеп.
– Ова е јасно дека по неколку часа под притисок ФФМ ја менува одлуката за промена на местото за одигрување на натпреварот. Срамота за ФФМ – објавија од ГФК Тиквеш.