ГФК Осогово не сака да згасне, во потрага по инвеститори, спонзори!! – Слободен печат
СпортФудбал

ГФК Осогово не сака да згасне, во потрага по инвеститори, спонзори!!

Не треба да заборавиме дека клубот е бренд на градот Кочани и еден од најстарите и најпознатите клубови во Македонија со основање од 1924 година...

Објавен е јавен повик за превземање на ГФК Осогово кој сезонава игра во Втората лига – Исток и моментно е на претпоследното деветто место со шесто бодови.

По долги консултации и состаноци помеѓу управата на ГФК Осогово и навивачите кои оправдано не се задоволни од резултатите и постигнатото ниво на успех во последната полусезона од 2 лига исток, клубот и раководните луѓе одлучија да го објават во јавност ова соопштение со цел подобра иднина на градскиот фудбалски клуб Осогово.

– За таа цел да се реализира ние како управа сме во потрага по сериозен инвеститор, партнер или спонзор на клубот кој би сакал во следниот период да го превзеде раководењето со клубот ГФК Осогово, како и да го подигне нивото на ефикасност, да го оддржи нивото на професионализам како и да изврши санирање и реконструкција на инфраструктура на објактите кои би ги добил на користење со цел клубот да функционира непречено и да постигнува задоволителни резултати. Ние како управа сме одговорни за сите случувања во клубот во последните две и пол години и со поддршката од локалната самоуправа која е минимална и финансиската конструкција потпомогната од неколку спонзори која ја имаме реализирано за оваа сезона сме во можност клубот да го раководиме и да бидеме на едно одржливо ниво како просечен клуб, без долгови, но не и конкурентни за пласман во повисок ранг или посериозна професионална работа.

До и во овој момент, сите раководни лица на клубот работат волонтерски и сите средства од буџетот на клубот се наменети за потребите и плати на играчите како и оддржување на теренот и стадионот.

Клубот моментално има 2 младински школи во натпреварувачки категории У14 и У16 како и професионален сениорски тим кој се натпреварува во 2 лига исток, Стадион Никола Мантов со капацитет од 6000 гледачи со подтрибински простор од 3 канцеларии, сала за прес и состаноци, кујна и менза, 3 соблекувални, 1 теретана, 1 магацин, помошен терен и главен терен, кој ќе биде доделен на користење на определен или договорен временски период на заинтересираниот субјект кој би раководел со клубот. Не треба да заборавиме дека клубот е бренд на градот Кочани и еден од најстарите и најпознатите клубови во Македонија со основање од 1924 година и не сакаме никој да го користи за злоупотреба на лични цели или да дојде до негово згаснување затоа и се одлучивме на ваков чекор, секако сите заинтересирани субјекти доколку сакаат би добиле и понатамошна помош од луѓето кои моментално се во клубот и на кој клубот им значи. Затоа упатуваме јавна понуда до сите правни и физички лица, компании или инвестициски фондови од земјата и од странство заинтересирани за ваков тип на работа кои би биле во можност да го подигнат нивото на фудбал во градот и државата како и нашиот клуб на едно повисоко професионално ниво да не контактираат на следниот Е-маил:

fcosogovo@gmail.com

Спортски поздрав,
Раководно тело на ГФК Осогово

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close