Германската полиција притвори 10 лица, повеќето се поврзани со исламистички терористички групи

Германска полиција во Берлин/ Фото Архива на Слободен печат

Десет лица, од кои повеќето се поврзани со исламистички терористички групи, се притворени денеска во Германија по спроведените рации против криминална мрежа за перење пари низ три сојузни држави.

Еден од осомничените подоцна бил ослободен.

Повеќе од 1.400 полицајци беа вклучени во вчерашните рации во Северна Рајна-Вестфалија, Долна Саксонија и Бремен. Вкупно 67 лица се под истрага за членство во меѓународна криминална организација.

Рациите се дел од истрагата за таканаречената мрежа „хавала” широко користена во муслиманските земји, во која поединци, а не банки, дејствуваат како посредници при трансфер на пари. Полицијата од Диселдорф соопшти дека парите, кои се „перат” од 2016 година, доаѓаат од широк спектар на извори, вклучувајќи криминални активности како што се грабежи и изнуда. Според првичните проценки, обемот на трансакции во истражниот период изнесувал околу 140 милиони евра.

Германскиот јавен радиодифузер WDR објави дека „испраните” пари вклучуваат средства од трговија со дрога и дека барем дел од тие пари се испратени во Турција и Сирија, каде што можеби се искористени за финансирање милитантни групи.

Полицијата заплени 15 возила, од кои два спортски автомобила „Ламборџини”, злато, накит и скапи часовници во вредност од над два милиони евра.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот