Германија во трет бран, Меркел со план за внимателно олабавување на мерките
Германија е во трет бран на пандемијата со корона вирусот, предупреди канцеларката Меркел, обраќајќи се на пратениците на нејзината конзервативна Христијанско-демократска унија.
„Сега сме во трет бран“, изјавила Меркел, пренесе Ројтерс повикувајќи се на неименувани извори од состанокот
Меркел смета дека секое ублажување на мерките треба да биде постепено и внимателно, за да не се случи при зголемен број на заболени, особено од новите соеви на вирусот повторно да се воведува карантин. Карантинот во Германија е воведен кон крајот на минатиот месе и беше продолжен до седми март.
Во германските медиуми објавен е планот на канцеларката Ангела Меркел за отворање на економијата, јави Дојче Веле.
Планот за олабавување на мерките ќе се одвива во три фази: намалување на рестрикциите на личните контакти помеѓу домаќинствата, а потоа да се отворат училиштата и спортските објекти, и на крај отворање на рестораните и културните институции.
Затворање на сите фирми кои не се сметаат за неопходни за живот и контролата на границите со Австрија и Чешка, каде се јавија нови жаришта поврзани со позаразниот сој на вирусот ѝ помогнаа на Германија да го намали брзојот на новозаразени. Бавната вакцинација и ризикот од ширење на новите соеви на вирусот, би можело да го отежне ублажувањето на мерките.