Германија со Милер, Хумелс и Боатенг против Македонија!?
Кон крајот на овој месец ќе стартуваат квалификациите за Светското првенство 2022 во Катар, македонската сениорска репрезентација првиот натпревар ќе го има во Плоешти во Романија на 25 март.
Избраниците предводени од селекторот Игор Ангеловски после дуелот со Романците, три дена подоцна ќе го пречекаат Лихтенштајн, а на 31 март во Дуизбург ќе го имаат можеби и најтешкиот испит против поранешниот европски и светски шампион Германија.
Токму германскиот селектор Јоаким Лев веќе го планира составот за наредните предизвици, а можно е во истиот да се најдат тројца ветерани, Томас Милер (Баерн Минхен), Матс Хумелс (Борусија Дортмунд) и Жером Боатенг (Баерн Минхен).
Овие тројца играчи кои ја освоија титулата на СП 2014 не беа веќе приоритет во март 2020 после разочарувањето на Мундијалот во 2018 во Русија.
– Боатенг игра редовно и добро е кога тој е во ритам, Хумелс има одлични организациски капацитети и сѐ уште може да игра на врвно ниво, не се сомневам во тоа – рече Лев за „Кикер“.