Идната германска влада ќе формира кризен штаб за сузбивање на пандемијата. Тој треба да дејствува брзо. Она што е интересно е дека на чело на кризниот штаб ќе биде генерал на Бундесверот.

Идната германска федерална влада сака да формира нов кризен штаб „што е можно поскоро“ за борба против пандемијата.

„На чело ќе има германски генерал“, објави на Твитер Кристијан Линднер, претседател на Либералите (ФДП) и иден сојузен министер за финансии.

Germany’s in a #DELTAVariant surge & the #OmicronVariant is near, so the govt put a General in charge of the nation’s #COVID19 response. For 6 yrs, Maj. Gen. Carsten Breuer has led the Territorial Tasks Command of the Bundeswehr, Germany’s armed forces.https://t.co/dHsAHXMQIp

— Laurie Garrett (@Laurie_Garrett) November 30, 2021

Според информациите на весникот „Зидојче цајтунг“ се работи за генерал-мајор Карстен Бројер. Од 2018 година тој е на чело на командата за територијални задачи на армијата на германскиот Бундесвер, која е задолжена за соработка на воените сили со цивилните организации.

„Од избивањето на пандемијата на коронавирус во Германија, велат упатените, 56-годишниот генерал постигна извонредни резултати“, особено кога станува збор за исполнување на барањата за помош што масовно пристигнуваа во Бундесверот во одредени периоди.

Поддршка на Бундесверот

На почетокот на 2020 година, германската министерка за одбрана Анегрет Крамп-Каренбауер (ЦДУ) формираше контингент во Бундесверот кој имаше задача да обезбеди помош во борбата против пандемијата. Тој контингент го задржа во текот на летото, во време кога многумина мислеле дека треба да се распушти бидејќи тогаш ситуацијата била смирена.

Интересно е што уште еден генерал-мајор повеќе од една година е вклучен во борбата против пандемијата на ковид . Станува збор за докторот на Генералштабот Ханс-Улрих Холтерм (57), кој претходно бил управител на воената болница во Улм. Од март 2020 година, тој го води одделот наречен „Заштита на здравјето, здравствена безбедност, одржливост“, кој потоа беше формиран во рамките на Сојузното Министерство за здравство. Тоа тело, меѓу другото, е задолжено за дневни извештаи за состојбата на пандемијата.

Војници во кризниот штаб

Невообичаено е еден офицер да раководи со медицински кризен штаб. Дури и за време на катастрофалните поплави во 1962 година на брегот на Северното Море, во кои животот го загубија 340 луѓе, Бундесверот, мора да се признае, беше вклучен во акциите, но тој не беше значително поврзан со кризниот штаб.

Воените експерти на ова ново назначување првенствено гледаат како на реклама во јавноста. И го поставуваат прашањето дали првиот човек на кризниот штаб ќе биде надреден во однос на идниот министер или министерот за одбрана. Но, Стивен Зајберт, портпаролот на владата во заминување, веќе јасно стави до знаење дека политичарите ќе одлучат за насоката на борбата против ковид во иднина.

Кристијан Линднер, пак, во понеделникот посочи дека кризниот штаб е важен за логистиката на вакцинацијата. А токму тоа е логистиката што Бундесверот ја организира со месеци. На почетокот на кампањата, воените институции складираа и дистрибуираа вакцини – во меѓувреме беа вклучени и цивилни компании. И контингентот „Обезбедување помош против коронавирусот “, во кој во одредени периоди беа вклучени 25.000 војници, за да се намали на 2.000 во летото 2020 година, сега повторно расте и моментално брои 8.000 членови на Бундесверот.

Во средината на март минатата година, само неколку дена по првите жртви на круната во Европа, францускиот претседател Емануел Макрон воинствено, како ниеден германски политичар, ја предупреди својата земја за тешките времиња што претстојат, велејќи: „Ние сме во војна“.

Армијата е привремено или трајно вклучена во борбата против инфекцијата од вирусот во европските земји, кои како Франција и Шпанија имаа голем број на смртни случаји во првиот бран на пандемијата.

Промена на курсот

Во Германија со претстојната промена на власта по парламентарните избори се промени и политичкиот курс. По завршувањето на примената на инструментот за епидемиолошка вонредна состојба, со помош на кој, коалицијата предводена од канцеларката Ангела Меркел ја водеше земјата низ пандемија и неколку пати ја затвараше со долги карантини , се уште не е целосно јасно како ќе дејствува идната влада.
Коалицијата на социјалдемократите, зелените и либералите сака да избегне целосен лок даун м иако некои од нивните политичари во меѓувреме не ја исклучуваат ниту таа мерка, пишува ДВ.

Новата влада најверојатно ќе ја преземе власта на 8 декември. Но, расте незадоволството од чекањето на тој датум за да се донесат неопходните политички одлуки. Сега е најавено дека Олаф Шолц наскоро ќе даде изјава за овој проблем заедно со генералот Бројер. Тогаш кризниот штаб веќе би можел да почне да разговара, па дури и да одлучува пред новата влада да ја преземе власта.