Германија беше елиминирана, но Ноер испиша историја

Фото: EPA-EFE/Friedemann Vogel

Германија вчера приреди уште едно разочарување за своите навивачи и второ Светско првенство во низа е елиминирана во групната фаза. Германците вчера ја победија Костарика, но поради победата на Јапонија против Шпанија останаа третопласирани.

Меѓутоа со елиминацијата на Германија историја испиша Мануел Ноер. Ноер ги помина сонародникот Сеп Мајер и Бразилецот Клаудио Тафарел кои имаа по 18 настапи на Мундијалите.

Во кариерата за Ноер ова беше четврто Светско првенство. Во Јужна Африка во 2010 година бранеше на шест натпревари (го пропушти натпреварот против Уругвај за третото место).

На СП во Бразил кога Германија го освои трофејот бранеше на сите седум натпревари. Во Русија како и сега во Катар бранеше на три натпревари. Вкупно Ноер е на бројката од 117 натпревари за репрезентацијата.

Видео на денот