ГЕРМАНЕЦ ПРЕДИЗВИКАЛ ПАНИКА НА МУЗИЧКИ ФЕСТИВАЛ: Оставил торба со лажна бомба
Швајцарската полиција уапсила еден Германец кој е осомничен дека е поврзан со торба во која била најдена лажна бомба, во близина на место каде се одржувал техно-музички фестивал во Цирих изминатата сабота, јавуваат тамошните медиуми.
Како што се пренесува, осомничениот 31-годишен маж од Германија, кој живеел во Швајцарија, најверојатно е сопственик на контроверзниот ранец, пренесува агенцијата АП.
Осомничениот, чие име не е соопштено во јавноста, бил уапсен во неделата во својот дом во близина на кантонот Аргауа.
Полицијата го истражувала мотивот кој го имал осомничениот за да направи лажна бомба и да ја остави во торба, но според досегашните информации не била откриена никаква идеолошка позадина во оваа постапка.