Еден 33-годишен германски државјанин, како и 30-годишна државјанка на Италија,  биле фатени
откако се обиделе да криумчарат мигранти од Гана преку ГП „Богородица“.

Според МВР, на граничниот премин од слобода е лишен Германецот К.Е, бидејќи во патничко возило „фолксваген“, со германски национални ознаки, превезувал три лица од Гана, кои при пасошка контрола приложиле туѓи патни исправи.

Пасошите биле во сопственост на лица од Шведска, Германија и Холандија, за кои подоцна било утврдено дека биле украдени во текот на 2019 година.

Во врска со настанот, подоцна била приведена и Италијанката Р.А.

Од Судија на претходна постапка од Основен суд Скопје 1 на пријавените им е изречена мерка притвор во траење од 30 дена.