Иако беше планирано најквалитетната германска фудбалска лига да продолжи на 9 мај, такво нешто најверојатно нема да се случи, односно почетокот ќе биде поместен.

Бундеслигата нема да продолжи според планираниот датум, Германците најавуваа враќање на фудбалските возбудувања претходните денови, но доаѓаат нови препораки од надлежните.

Канцеларката Ангела Меркел и премиерите на 16 сојузни држави на денешниот состанок решија да ја одложат одлуката околу тоа дали е безбедно од наредниот викенд повторно на терените да се врти топката.

Сè е одложено за в среда, така што не постои можност само три дена подоцна да се продолжи со натпреварите. Можно е сезоната во германската лига да продолжи најрано на 16 мај.

Иако пред неколку дена директорот на лигата, Кристијан Зиферт рече дека Бундеслигата е подготвена за завршување на сезоната и дека го предложи 9 мај за рестартирање, тој датум отпаѓа од игра.

И самиот како што вели од Бундеслигата одлуката е донесена, останува само на оние што донесуваат политички одлуки да ја дадат својата препорака, или дозвола за играње на натпревари.