Илјадници Германци денеска протестираа во Берлин и другите германски градови, барајќи од Европската унија да се погрижи за барателите на азил, кои останаа без покрив над главата по пожарот во грчкиот бегалски камп Морија.

На демонстрантите во Берлин им се придружи и тетката на Алан Курди, сириското детенце, кое се удави во Средоземното море и стана трагичен симбол на бегалската криза во 2015 година. Фотографиите од неговото мало тело заглавено на турскат плажа го шокираа светот и предизвикаа размислување за потребата да им се помогне на воените бегалци од Сирија.

-Одлучив да зборувам тука во име на сите оние кои не можат да го сторат тоа сами … Кога не можам да ги спасам членовите на моето семејство, предлагам да се обидеме да спасиме други, заедно“, рече Тима Курди, повикувајќи ги берлинците да им пишуваат на политичарите и да ги повикааат колку може побрзо да делуваат.

„Не можеме да ги затвориме очите или да им свртиме грб- рече Тима Курди.

Соња Бобрик, активистка на Зебруке, уверува дека „има доволно сместување во Германија за повеќе од 1.500 бегалци во моментов во Грција“, а Берлин веќе вети дека ќе се грижи за нив.

Според полицијата, околу 5.000 демонстранти учествувале на протестите во Берлин. Протести се одржаа и во Келн, Минхен и Лајпциг.

Откако минатата недела избувна голем пожар во бегалскиот камп Морија на грчкиот остров Лезбос, околу 12.700 бегалци останаа без покрив над главата. Околу 9000 од нив се сместени во новиот привремен камп.