Англискиот репрезентативец Џејдон Санчо во летниот преоден рок беше најскапата аквизиција на Манчестер јунајтед кој за него плати 85 милиони евра, но досега не покажа апсолутно ништо во Премиер лигата.

„Ова е неговиот дом, ова е местото на кое припаѓа. Џејдон Санчо е Јунајтед“, напиша англискиот тим кога го потврди трансферот на фудбалерот.

This is his home.
This is where he belongs.

Jadon Sancho is 𝗨𝗡𝗜𝗧𝗘𝗗.#MUFC x @Sanchooo10 pic.twitter.com/LAIBn7ie7V

— Manchester United (@ManUtd) July 23, 2021

„Црвените ѓаволи“ платија 85 милиони евра за фудбалерот кој во дресот на Борусија Дортмунд одигра 137 натпревари на кои постигна 50 голови и имаше 64 асистенции, но досега не добија апсолутно ништо.

Санчо е цел на големи критики и тоа од легендите на Манчестер јунајтед, но сега германската телевизија Скај буквално „го уништи“ 21-годишниот фудбалер.
Голови – 0
Асистенции – 0
Натпревари – 7
Телевизијата објаснувајќи го учинокот на фудбалерот во дресот на Јунајтед, објави фотографија од Санчо во одело и напиша „викајте ме 007“, алудирајќи на славниот филмски херој, Џејмс Бонд.