Германците доаѓаат во Скопје без искусниот дефанзивец Хумелс
Матс Хумелс поради повреда нема да биде дел од најдобрата германска репрезентација во октомвриските квалификациски натпревари за пласман на Светското првенство 2022 против Романија и Македонија, пренесува „Кикер“.
32-годишниот централен бек на Борусија Дортмунд нема да биде во составот на селекторот Ханси Флик за дуелот во Скопје против нашата А селекција кој ќе се игра на 11 октомври на Националната арена „Тодор Проески“.
Како што е најавено во петок Флик ќе го објави списокот за претстојните дуели. Флик исто така нема да може да смета и на повредените Илкај Гундоган (Манчестер сити) и Махмуд Дахуд (Борусија Дортмунд). А под знак прашалник е и настапот на Робин Госенс кој уште во 11 минута од мечот на неговата Аталанта против Јанг Бојс го напушти теренот.
Во меѓувреме, се очекува да се врати голманот Марк-Андре тер Штеген и го замени Кевин Трап, а нова минутажа би можеле да добијат Давид Раум и Карим Адејеми кои претходно дебитираа.
Прва опција во мечевите со Романија и Македонија во централниот дел од одбраната на Германците се очекува бидат Никлас Зуле и Антонио Ридигер.