Герберих: Од интерес на Европа е да ги вклучи земјите од Западен Балкан во ЕУ
Отворањето на преговорите со Македонија за ЕУ е есенцијално прашање за стабилноста и сигурноста на Европа, рече Амбасадорот на Германија во Македонија, Томас Герберих.
Амбасадорот на Германија во Македонија, Томас Герберих денеска изјави дека земјата треба да продоложи со реформите. Според него, Македонија ќе продолжи да ја има подршката од Германија во патот кон интеграција во Европската Унија.
-Процесот на интеграција е единствениот инструмент кој го има имаме и треба да го искористиме. Сега имаме техничка влада и се надевам дека таа ќе организира слободни и демократски избори. Политичарите не смеат да се однесуваат како државата им припаѓа на политичките партии кои ги преставуваат а не на сите граѓани, бидејќи тоа носи кон нови поделби во општеството и заплашување на граѓаните. Отворањето на преговорите со Македонија за ЕУ е есенцијално прашање за стабилноста и сигурноста на Европа. Од интерес на Европа е да ги вклучи земјите од Западен Балкан во ЕУ-изјави Герберих.