ГЕРБ побара оставка од Централната изборна комисија

Бојко Борисов / AFP / Profimedia

Бугарската политичка партија ГЕРБ побара оставка од Централната изборна комисија на Бугарија, јави дописникот на МИА од Софија. Причината за ова е организирањето на парламентарните избори во странство. Ова го соопшти на брифинг лидерот на партијата Бојко Борисов.

Според другиот учесник на брифингот, Георг Георгиев, најголема изборна измама е она што се случи со гласањето на изборите во странство. Според него, бугарските гласачи во странство биле измамени. Тој посочи дека за првпат упатствата за гласање во странство биле дадени само во петокот – два дена пред денот на изборите. Според него, овие луѓе се должни да преземат одговорност за хаосот. Постои ризик, според Георгиев, кој беше поранешен заменик-министер за надворешни работи на Бугарија, нивниот глас да не биде земен во предвид.

На прес конференцијата Борисов објави дека добил повик да се јави на распит во полиција поради како што нагласи „исчезнати докази”. Лидеротна ГЕРБ рече дека најверојатно тоа е за случај од 2010 година поврзан со поранешниот министер за земјоделие Мирослав Најденов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот