Ѓер владее во женскиот ракомет
Ѓер продолжува да доминира во женскиот клупски ракомет откако во финалето го совлада рускиот тим Ростов со 25:24. На рускиот тим не му помогна ниту доскорешниот тренер токму на Ѓер, Амброш Мартин, унгарскиот тим трета година по ред триумфира во Лигата на шампионите.
DELO WOMEN’S EHF FINAL4 CHAMPIONS!!
Györi Audi ETO KC win 25:24 agains @rostovhandballe! #ehfcl #ehffinal4 pic.twitter.com/TjipYUjq9k— EHF Champions League (@ehfcl) May 12, 2019
Почетокот на натпреварот му припадна на Ростов кој во неколку наврати имаше и два гола предност (7:5, 10:8) но во финишот на првото полувреме, Ѓер успеа да направи целосен пресврт и со серија од 7:1 ја презеде контролата врз резултатот.
Екипата на Ростов не се предаваше во второто полувреме и во самиот финиш успеа да дојде до резултатски приклучок. На 40 секунди до крајот, Абинг намали на 24:25, нападот на Ѓер беше непрецизен, и Ростов доби шанса во последните шест секунди да дојде до израмнување но не успеаја навреме да упатат шут кон голот на Гримсбо.
Едуарда Аморим Талеска со седум и Анита Горбич со шест гола беа најефикасни во старо-новиот европски првак, додека прв стрелец на Ростов при денешниот финален пораз беше Абинг со седум погодоци.
Во натпреварот за третото место, Кристиансанд со 31:30 го совлада Мец.
Токму голманката на Ѓер, Кари Гримсбо е прогласена за МВП на завршниот турнир кој се одржа во Будимпешта. Најдобар стрелец е Лин Јорум Суланд од Кристиансанд со 89 постигнати голови.