Ракометарките на Кристијансанд Вајперс се нови европски шампионски откако во финалето на завршниот турнир од Лигата на шампионите со 34:28 го совладаа Брест и го наследија Ѓер последните три години доминираше во женскиот ракомет.

Норвежанките фуриозно го започнаа натпреварот поведоа со 5:1 потоа предноста дојде и до пет гола (8:3) но ракометарките на Брест покажаа зошто го елиминираа Ѓер во полуфиналето и со серија од 1:6 дојдоа до израмнување (9:9).

Сепак во финишот од првиот дел, Норвежанките заиграа подобро и успеаја да заминат на одмор со предност од 18:14. Дилемите околу победникот и новиот европски шампион беа решени на стартот од вториот дел кога направија серија од 4:1  за предност од седум гола по што не дозволија неизвесност до крајот на натпреварот.
Рајстад го заврши натпреварот со 12 погодоци, додека Кнедликова даде шест гола. Во редовите на Брест прв стрелец беше Грос со осум гола.