Нашето десно репрезентативно крило Гоце Георгиевски вели дека нијанси решаваа на вториот меч на Европското првенство кој го загубивме од Чешка со 27:25.

И покрај пропуштената шанса денеска да се обезбеди настапот во главната фаза, последна можност ќе имаме во третото коло кога ќе играме против домаќинот Австрија.

– Очекувавме тежок меч со Чешка. Нијанси решааваа. Се боревме до самиот крај. Не треба тука да застанеме. Одиме позитивни и оптимистички настроени со Австрија. Да се одмориме добро и да одиме на победа. Австрија повеќе ни „лежи” од Чешка – рече Георгиевски.

Според пивотот Стојанче Стоилов не треба да тагуваме и дека мора во добра атмосфера да го очекуваат дуелот против Австријците.

-Ништо не е загубено. Имаме уште еден натпревар кој треба да го добиеме. Имаме шанси. Денеска ние промашивме, они дадоа и тоа е тоа. Од овој натпревар треба да извлечеме поука, да даваме голови кога имаме шанси – беа зборовите на Стоилов.