Георгиески: Ќе ги запазиме роковите за Планот за управување со природното и културното наследство

Градоначалникот на Општина Охрид, Константин Георгиески/Фото: facebook.com/KonstantinGeorgieski7

Остварен е напредок во активностите за изготвување на Планот за управување со природното и културното наследство во Охридскиот регион, како клучна препорака упатена од страна на мониторинг Комисијата на УНЕСКО.

Градоначалникот на Охрид Константин Георгиески кој денеска имаше средба со изработувачите на Планот, членовите на комисиите и претставници на надлежните институции на која учествуваше и министерот без ресор Едмонд Адеми, појасни дека активностите се одвиваат согласно утврдениот план, односно дека ќе биде готов до крајот на годината.

– На 22 овој месец е рокот кога ќе се започне со стратешка евалуација на Планот, уверен сум дека ќе ги запазиме роковите, така што извештајот за напредокот што треба да го доставиме до УНЕСКО во февруари ќе стои дека е усвоен Планот за управување со регионот, рече тој.

Предвидено е Планот да ги содржи визиите и целите што се однесуваат на контролираната урбанизација, зајакнувањето на капацитетот на надлежните институции, заштитата на природното и културното наследство, одржливиот економски развој, подигнувањето на јавната свест и зголемената еколошка функционалност на Охридскиот регион.

Градоначалникот Георгиески кој денеска учествуваше и во акцијата за чистење на езерото и крајбрежјето од цврст отпад на прашањето на медиумите уште еднаш најави дека наскоро ќе почне акцијата за уривање на нелегално изградените платоформи на брегот на езерото, како и на неколку дивоградби.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот