Геодет ветувал елаборат на странки, а за возврат им ги „собрал“ само парите – Слободен печат
Хроника

Геодет ветувал елаборат на странки, а за возврат им ги „собрал“ само парите

Оштетените биле доведени и држени во заблуда од пријавениот дека геодетските елаборати се изготвени.

Полициската станица Гевгелија поднесе кривична пријава против К.Р.(58) од село Прдејци, гевгелиско, поради постоење основи на сомнение за сторено кривично дело „измама во службата“.

Пријавениот, во текот на декември 2018, како геодет во геодетска фирма од Гевгелија, лажно им ветил на оштетените Б.А. и Д.У. дека ќе им изготви геодетски елаборати потребни во постапка за легализација на бесправно изградени објекти, при што Б.А. му дал на рака парични средства во висина од 24.000 денари, а Д.У. во два наврата му дала вкупно 15.000 денари.

Оштетените биле доведени и држени во заблуда од пријавениот дека геодетските елаборати се изготвени и доставени до Одделението за урбанизам при Општина Гевгелија.

Подоцна оштетените добиле правен акт од Одделението за урбанизам, со кој нивното барање за утврдување на правен статус на бесправно изградени објекти било отфрлено од причина што не бил доставен геодетски елаборат во законски предвидениот рок.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close