-7 C
Скопје

Генерален штрајк и протести на Лезбос, Самос и Хиос поради ситуацијата со мигрантите

Штрајкот е со поддршка на периферијата од северниот дел на Егејското Море, како и од градоначалниците, а според најавите, затворени ќе бидат јавните служби, продавниците, рестораните, таверните и кафулињата.

Под слоганот „Ги сакаме назад нашите острови, го сакаме назад нашиот живот“, денеска, жителите Лезбос, Хиос и Самос, организираат генерален штрајк и протести на централните плоштади на трите грчки острови поради ситуацијата со бегалците и мигрантите, јави дописничката на МИА од Атина.

Според локалните медиуми, граѓаните бараат да се намали бројот на бегалци и мигранти на островите, да има еднаква поделба на товарот во сите делови од земјата, а барателите на азил да бидат сместени во центри со хумани услови.

Штрајкот е со поддршка на периферијата од северниот дел на Егејското Море, како и од градоначалниците, а според најавите, затворени ќе бидат јавните служби, продавниците, рестораните, таверните и кафулињата.

Утре, префектот и градоначалниците на островите ќе пристигнат во Атина за до надлежните министерства да достават резолуција од локалното население.

Прочитајте и...  НОВ ЦРН РЕКОРД ВО ХРВАТСКА: 74 жртви од ковид-19 во последните 24 часа

Според официјалните податоци од грчката влада, заклучно со 20 јануари 2020 на Лезбос има 21 378 бегалци и мигранти, од кои 19 225 се во прифатниот центар Мориа што е со капацитет од 2840 места. На Самос има 7517 лица, а на Хиос 6003 бегалци и мигранти.

Заменикот министер под премиерот и портпарол на грчката влада Стелиос Пецас, на вчерашниот редовен брифинг со новинарите, одговарајќи на прашањето на дописничката на МИА од Атина, за генерален штрајк рече дека станува збор за сериозен општествен проблем, но дека тие продолжуваат да се обидуваат да го убедат локалното население дека владиниот план носи плодови.

Ги повтори четири главни оски: чување на границите, забрзување на постапката за азил, зголемување на бројот на враќања во Турција и изградба на затворени центри, а истовремено и празнење на островите и интернационализација на проблемот.

Прочитајте и...  ВМРО-ДПМНЕ: Ако не каже Заев за што тајно преговара во Софија следи блокада на Владата и МНР

Паралелно се задржа на враќањата мигранти во Турција, односно на оние кои немаат право на азил во Грција, споменувајќи дека минатата седмица започна процесот.

-Кога министерството доаѓа до заклучок дека некои луѓе немаат право на азил, тогаш постапката ја поведува грчката полиција во договор со турскиот претставник и преку Фронтекс, тие се враќаат во Турција, согласно Заедничката декларација ЕУ- Турција. Ова ќе продолжи и во наредните денови и ќе се интензивира со поголем ритам, рече Пецас

Тој додаде дека владата, исто така сака да ги убеди жителите на засегнатите острови дека навистина ќе ги затвори постоечките отворени прифатни центри.

-Веруваме дека на крај сите ќе сфатат дека во интерес на Грција, а особено на самите жители од североисточниот дел на Егејското море, за кои и ме прашавте, и во интерес на сите е дека планот ќе оди напред, рече Пецас.

Прочитајте и...  Историски момент за Скопје и Софија: ќе победи ли доброто сценарио?

Поврзани вести

Дебата за спроведување на новиот Закон за слободен пристап до информации од јавен карактер

Слободен печат

Собраниска Комисија за финансирање и буџет: Продолжува амандманската расправа за државната каса за 2021 година

Слободен печат

Пораки од канцеларката Меркел: Сè уште има шанса за прва меѓувладина конференција со С. Македонија до крај на годината

Слободен печат

Контроверзниот доктор кој беше член на тимот на Трамп за борба против ковид-19 поднесе оставка

Слободен печат

Д-р Литовски: Признавањето на бугарски корени е исто како да речеме дека сега сме Бугари

Слободен печат

Американски експерт тврди: Ким Џонг Ун и неговото семејство се вакцинираа против ковид-19

Слободен печат

Остави Коментар