Министерството за внатрешни работи потврди дека денеска во полициска станица повикано е на разговор лицето Ѓ.Г., кој од неговиот личен профил споделил објава од Фејсбук пријател.

Оттаму соопштија дека по извршениот разговор лицето си заминало.

Од МВР не откриваат дали против Ѓ.Г. ќе биде поднесена каква било пријава, додека на социјалните мрежи, во знак на солидарност кон него, повеќе корисници ја споделуваат истата објава.

Станува збор за актуелниот директор на ЈУ Зоолошка градина- Скопје, Ѓорги Галетановски кој објави фејсбук статус во кој ги повика симпатизерите на одредена партија, при гласањето да го чкртнат зборот Северна.

-Мојата објава на Фејсбук профил беше шега и тоа им го кажав при давањето изјава. По еден час ми рекоа дека можам да си заминам- изјавил Галетановски за сдк.мк.